„Си-ен-ен“: Вашингтон тврди дека конфликтот со Иран е завршен

Администрацијата на претседателот на Соединетите Американски Држави, Доналд Трамп, оцени дека војната со Иран е завршена поради важечкото примирје, според изјавата на висок функционер на администрацијата доставена до „Си-ен-ен“ денес.

Американската телевизиска станица наведува дека ова би можело да ја избегне обврската за барање одобрение од Конгресот на САД за продолжување на конфликтот, додека пратениците од двете партии бараат гласање за воена акција.

Во изјавата на американскиот функционер се наведува дека, во однос на законот од 1973 година кој бара одобрение од Конгресот за воени операции што траат подолго од 60 дена, „непријателствата што започнаа во сабота, 28 февруари, завршија“.

Функционерот додаде дека Соединетите Американски Држави и Иран постигнаа двонеделно примирје на 7 април, кое оттогаш е продолжено, и дека од тој датум немало размена на оган меѓу американските сили и Иран.

Оваа позиција, забележува „Си-ен-ен“, е поткрепена со аргументот што го изнесе американскиот министер за одбрана Пит Хегсет за време на неговото сведочење пред Конгресот, кога рече дека, според толкувањето на администрацијата, „периодот од 60 дена престанува да тече за време на прекин на огнот“.

Спротивно на сегашното прекин на огнот, Ормускиот теснец останува практично затворен.