Екоактивистите реагираат на последиците од вчерашниот пожар што се случи во комплексот Железара, како резултат на што имаше голем црн чад. Гореше магацин во кој се чувале бои и лакови. Тие сметаат дека Скопје било изложено на аерозагадување и токсични честички.
Поради тоа побараа Основното јавно обвинителство веднаш да отвори истрага за загадување на животната средина.
– Институциите мора да утврдат кои мерки за заштита и превенција не се почитувани. Очигледно е дека постојните механизми или не се применуваат или воопшто не превенирале ништо – тврдат од „Зелен хуман град“.
Притоа бараат од Државниот инспекторат за животна средина да спроведе итен вонреден надзор.
– На граѓаните им е загрозено основното уставно право на здрава животна средина. Огромен црн чад од управна зграда не смее да има. Што се чувало таму? – прашуваат од „Зелен хуман град“ и бараат одговори на тоа: Што изгорело и во колкаво количество и Од каде сиот тој црн чад како оној со електронскиот отпад во Трубарево?
Од „Зелен хуман град“ бараат и целосна одговорност од сопствениците, како и ажурност и транспарентност од надлежните инспекторати.
– Ние, граѓаните, имаме право на чист воздух и здрава животна средина согласно со Член 43 од Уставот на РМ. Оваа хаварија не смее да се заташка и да остане без институционална завршница и кривична одговорност – одлучни се екоактивистите.
ИЗДВОЕНИ
Вооружен човек отвори оган на преполн плоштад во Полска, бројот на жртви расте
ЗНАМ: Нема пазарење со македонскиот јазик, нема отстапки без реципроцитет – патриотизмот се докажува со дела, а не со навреди!
Македонскиот кикбокс е на врвот, но спортските институции не нè вреднуваат како што заслужуваме!
“Уплати 10.000 денари, бара син ти во затвор”
