Во несреќата што се случи во текот на ноќта во Гуча кога имаше истекување на амонијак во камион-ладилник, неколку лица се јавиле со проблеми во Здравствениот дом.
– Седум лица дојдоа во Здравствениот дом во Гуча, од кои четворица беа префрлени во болницата во Чачак за понатамошни прегледи. Ничиј живот не беше во опасност, претежно луѓето беа исплашени – изјави за РИНА Милија Миленковиќ, градоначалник на општина Лучани.
Тој додава дека кога пристигнале на местото на настанот околу еден час по полноќ, таму веќе биле противпожарни екипи, како и екипи на брза помош.
– Кога се приближивме, видовме дека пукнал безбедносниот вентил. Веројатно имало голем притисок во системот и тој вентил буквално спречил поголема несреќа. Екипите успеале да го заменат вентилот и да го санираат дефектот, но останале на терен, рече Миленковиќ.
Граѓаните веднаш биле предупредени со звучни сигнали преку Гуча, преку возила, и им било кажано да не ги напуштаат своите домови и да ги затворат прозорците.
Инаку, педесет минути по полноќ се случи несреќа во Гуча, кога амонијак истече од ладилник, а Министерството за внатрешни работи брзо издаде итно предупредување до граѓаните.
ИЗДВОЕНИ
ВО КОНКУРЕНЦИЈА ОД НАД 1.300 УМЕТНИЧКИ ДЕЛА ОД ЦЕЛИОТ СВЕТ: Прва награда за македонскиот уметник Синиша Кашавелски на Progressus Art Awards 2026
Новак Ѓоковиќ со голема поддршка за Лина, најави и доаѓање во Македонија
Инфективна потврди прв случај на Денга вирус во Македонија: Ја донел 42-годишен работник од Бангладеш
Европа се претвора во печка – зошто се загрева побрзо од било кој друг континент? Научниците предупредија: „Ова е само почеток“
