Италијанскиот тенисер Јаник Синер не стапнал на теренот од финалето на Вимблдон на средината од јули. Не само тоа, ќе се покаже дека финалето во кое го победи Александар Зверев е последниот натпревар за него во оваа сезона. Тој објави за крај на сезоната и едноставно му го отстапи првото место на АТП-листата на Зверев.
Иако повредата на коленото е официјална причина за долгото отсуство, во тенискиот свет се шпекулира дека италијанскиот тенисер повторно има проблеми со антидопинг-правилата. Сепак, познатиот американски тренер Рик Маци ги негира овие обвинувања.
– Синер е шампион и еден од најдобрите натпреварувачи што ги видел некогаш спортот. Тој е повреден и ако може да игра, ќе се потруди. Приказните за тоа како не поминал допинг- тест се целосно неосновани, бидејќи таквите информации сигурно ќе излезеа во јавноста. Нема тивка суспензија – рече Американецот.
Тој додава дека верува оти Синер и неговиот тим донеле одлука да не ризикуваат со враќање на теренот.
– Одлична и неопходна одлука од страна на Синер и неговиот тим да имаат долгорочен поглед и повторно да почнат со акција во 2027 година. Ситуацијата е таква каква што е. Тој нема да донесува брзи одлуки сè додека не може да се движи како Спајдермен и нема целосна стабилност при движењето. Потребни се одмор и рехабилитација, како и претворање на негативната ситуација во позитивна. Треба да работиме на вештините за ракување со рекет и на фините моторни вештини. Јаник ќе биде целосно подготвен за долги растојанија следната година и нема да има страв кога станува збор за движењето – заклучи Рик Мачи.
