Светската здравствена организација прогласи вонредна состојба од меѓународно значење поради ново жариште на ебола во Демократска Република Конго и случаи поврзани со Уганда.
Тоа не значи дека светот е пред нова пандемија или пред затворања како во времето на ковид, но значи дека здравствените системи повторно се соочуваат со вирус кој се шири брзо во заедници со слаб надзор, недоволна здравствена инфраструктура и големо движење на населението.
Досега се пријавени околу 246 сомнителни случаи и 80 смртни случаи, додека осум случаи се лабораториски потврдени. Новата епидемија е поврзана со сојот бундибугѕо, поретка форма на ебола за која нема одобрена специфична вакцина или терапија како за познатиот сој заире.
Ризикот за Европа е мал, но сепак, постои. Опасноста е најголема за здравствени работници, хуманитарци, лица што патуваат во погодените региони или луѓе кои имале директен контакт со заразени. Затоа здравствената порака не е паника, туку будност: рано препознавање симптоми, јасни патни информации, брза изолација на сомнителни случаи и сериозно следење на контактите.
ИЗДВОЕНИ
Македонија забрзува, изградбата на автопатот Охрид-Кичево влегува во својата завршна фаза, објави премиерот Мицкоски/видео
Македонија во „топ-ап“ пакетот на ЕУ – во игра се нови 100 милиони евра
Во Грција една сообраќајна грешка може да чини 350 евра и одземање на возачката
Е-дневникот се заклучува, но дилемите за „петки преку врски“ остануваат
