Се јави човекот кој го избрка Дончиќ: Не смеете да го снимате тоа што ќе ви го кажам

Генералниот директор на Далас, Никo Харисон (52), ќе им се обрати на новинарите, но само оние кои ќе дојдат да го интервјуираат без камери и без никаква технологија за снимање.

По неколкумесечни критики за трговијата со Лука Дончиќ, Харисон реши да проговори под крајно необични околности и во присуство на извршниот директор на Далас, Рик Велтс. Двајцата упатија покана до многу мал број новинари, нудејќи им шанса за „дискусија на мала тркалезна маса“.

Извесно е дека Харисон на тој собир ќе разговара со одбрани претставници на медиумите за причините поради кои франшизата оваа зима практично го избрка својот најдобар играч Лука Дончиќ.

Сепак, ни тој детаљ не е дефинитивен, ниту е објавено за што ќе зборува Харисон, бидејќи и тој и целата франшиза се обидуваат максимално да го „скријат“ овој настан од вниманието на јавноста.