Забраната на САД за увоз на канадска стока во вредност од околу една милијарда долари официјално стапи во сила откако американскиот претседател, Доналд Трамп, потпиша извршна наредба. Мерката опфаќа алкохолни пијалаци, млечни производи и моторни возила.
Американскиот трговски претставник, Џејмисон Грир, изјави дека мерката претставува одговор на, како што наведе, дискриминаторскиот однос на Канада кон клучниот американски извоз.
Иако вредноста на опфатената стока е релативно мала во однос на вкупната годишна трговска размена меѓу двете земји, која изнесува околу 880 милијарди долари, мерката претставува нова ескалација на трговскиот спор меѓу САД и Канада.
Забраната е дел од серијата заемни трговски мерки. Американската администрација во јули најави царини од 50 отсто за одредени канадски производи, кои стапија во сила на 22 август.
Како одговор, канадската Влада воведе царини од 15, 25 и од 50 отсто за одредени американски производи, кои стапија во сила на 8 септември.
ИЗДВОЕНИ
ДЗР: Жените се мнозинство меѓу вработените во јавниот сектор, но не и на позициите на кои се носат одлуките
Овците умираат, субвенциите за кравите доцнат, пиперките и грозјето скапуваат
Сиљановска-Давкова на 22. Европски самит во Салцбург: Проширувањето е тест за стратешкиот капацитет на Европската Унија
ГОЛЕМА АКЦИЈА НА МВР И АНБ ВО СКОПЈЕ: Приведени повеќе лица поради сомнение за тероризам
