Русија на Црвениот плоштад во Москва претстави борбени беспилотни летала што ги користеле нејзините сили во војната во Украина, што е првпат да ги прикаже, објави државната телевизија.
Претседателот Владимир Путин, кинескиот претседател Си Џинпинг и повеќе од дваесетина други странски лидери гледаа како разни дронови од руско производство, монтирани на камиони, се транспортираат на нивните лансери низ пространиот плоштад, заедно со друга воена опрема.
Во својот говор, Путин ја пофали храброста на руските војници распоредени во Украина, велејќи дека „целата земја, општество и народ ги поддржуваат учесниците во специјалната воена операција“ во Украина.
At this year’s Red Square military parade, history was made as UAV crews marched for the first time—featuring “Geran”, “Orlan-10”, “Lancet-51”, and “Lancet-52” drones.
The powerful YaRS intercontinental ballistic missile system, core to Russia’s mobile nuclear arsenal, also… pic.twitter.com/H0xVs9hCJk
— WashingtonAmerica.Net (@WADailyNews) May 9, 2025
„Горди сме на нивната храброст и решителност, на нивната сила на умот што секогаш ни носеше победа“, додаде тој, велејќи дека Русија „беше и ќе биде неуништлива бариера против нацизмот, русофобијата и антисемитизмот“.
Коментатор на државната телевизија, опишувајќи ја парадата во живо, рече дека беспилотните летала биле широко и ефикасно користени во руската операција во Украина.
Дроновите „Лансет“, „Геран-2“, „Орлан-10“ и „Орлан-30“ беа меѓу прикажаните на парадата по повод 80-годишнината од победата на Советскиот Сојуз и неговите сојузници над нацистичка Германија.
