Русија во обид за саботажа во уште една европска земја: Избегната катастрофа

Романските власти вчера објавија дека уапсиле руски државјанин обвинет за собирање стратешки информации за саботажни операции во земјата-членка на ЕУ и НАТО од февруари до јули.

Романската разузнавачка служба во соопштението наведува дека „во соработка со домашни и меѓународни партнери“ ја осуетила операцијата „координирана од Русија“, по шема што веќе ја виделе во Европа.

Мажот, на возраст од околу 40 години, е осомничен за фотографирање и снимање опрема во неколку поморски и воздухопловни бази што ги користат сојузниците на Романија, особено во главниот град Букурешт.

Тој ги документирал движењата на персоналот и борбената опрема, вклучително и „украинските товарни авиони Антонов“.

Според соопштението од обвинителството, кое побарало негово притворање, рускиот државјанин дејствувал по наредба на друго лице кое ги координирало операциите преку шифрирани услуги за пораки.

Романските власти соопштија дека веќе спречиле слични обиди во 2024 и 2025 година.

Од друга страна, молдавската полиција во вторник објави дека 49-годишен маж од Азербејџан, осомничен за „неовластено собирање информации во име на претставници на специјалните служби на Руската Федерација“, е во истражен затвор.