Американскиот државен секретар, Марко Рубио, неделава ќе има средби со лидерите од земјите од Персискиот Залив, во обид да ги увери дека неодамна постигнатиот мировен договор меѓу САД и Иран е добар.
Според медиумските извештаи, меѓу клучните точки на договорот се отсуството на ограничувања за иранската балистичка програма, предлогот за фонд за обнова вреден 300 милијарди долари, како и одредби што би можеле дополнително да го зголемат регионалното влијание на Техеран.
Одредени земји од Заливот, според аналитичарите, се изненадени и незадоволни од привремениот договор, стравувајќи дека тој може да доведе до нормализација на односите меѓу САД и Иран и со тоа да ја промени безбедносната рамнотежа во регионот. Дополнителна тежина на посетата на Рубио ѝ дава и фактот што во Обединетите Арапски Емирати, Саудиска Арабија, Катар, Кувајт и во Бахреин има американски воени бази, кои претставуваат клучен дел од американската безбедносна стратегија на Блискиот Исток.
