Рама: И покрај протестите и предупредувањето од ЕК, Албанија сепак ќе продолжи со изградбата на луксузно одморалиште

И покрај предупредувањето на Европската комисија дека контроверзниот проект во Звернец за изградба на луксузното одморалиште може дури и да влијае на патот на Албанија кон ЕУ, Албанија ќе продолжи. „И покрај протестите поради неговото влијание врз животната средина“, изјави денес албанскиот премиер Еди Рама во интервју за западните медиуми.

Европската комисија во понеделник изрази загриженост дека планираниот проект во заштитено подрачје може да има влијание врз животната средина што е во спротивност со процесот на преговори за пристапување меѓу Албанија и Европската Унија.

Во последните денови, во Албанија се одржаа протести поради изградбата на одморалиште во Звернец, во близина на Валона, поради загриженост за влијанието врз животната средина и споровите околу сопственоста на земјиштето.

Портпаролот на Европската комисија, Гијом Мерсие, истакна дека од Албанија се очекува целосно да се усогласи со законодавството на ЕУ во оваа област како дел од процесот на пристапување кон ЕУ, како дел од реперот за затворање на преговорите за Поглавје 27 за животна средина и климатски промени.