Радувајте се за поразот, а ве е** нашиот стил

Родриго де Пол (32), играчот од средниот ред на аргентинската репрезентација кого го нарекуваат телохранител на Меси, се огласи по поразот од 1:0 од Шпанија, во финалето на Светското првенство. Во објава на „Инстаграм“, тој остро се осврна на оние што, како што тврди, шират „неосновани теории на заговор“ против аргентинската репрезентација.

Де Пол има 94 настапи за Аргентина и со неа освои една светска и две јужноамерикански титули. Тој не успеа да ја освои втората светска титула, а по финалето Аргентина беше жестоко критикувана од љубителите на фудбалот во светот за деструктивната игра и бункерите, но најмногу за неспортското и дивјачко однесување на своите играчи. Десет часа по објавувањето, објавата на Де Пол доби 1,6 милиони лајкови.

– Најголемата болка е што не успеавме да го вратиме трофејот на светскиот шампион во нашата земја, бидејќи ако некој заслужуваше повторно да го доживее тоа чувство, тоа бевте вие. Но, како што минуваат часовите, нè терате да сфатиме дека идентификувањето што ја имате со оваа група оди подалеку од самиот трофеј, и тоа е нешто за кое сакам да се држам за да можам да го пребродам овој момент.

Денес, гледам колку луѓе чекале за овој пад, ширејќи неосновани теории на заговор во текот на Светското првенство за да ја ублажат болката на другите луѓе, затоа што не може да го доживеат она што го доживеавме сите ние, Аргентинците, затоа што ги мачат нашите насмевки, затоа што нашиот стил ги е**.

Но, тоа само дополнително потврди дека страста и љубовта кон нашиот дрес може да победат сè. Ќе боли долго време, но денес сум погорд од кога било што сум Аргентинец –кажа тој.