Рускиот претседател Владимир Путин прогласи кратко примирје за православниот Велигден, кое ќе почне во 16 часот во сабота и ќе трае до недела, објави Блумберг.
Путин ѝ нареди на војската да „прекине борбените операции во сите правци во овој период“, според соопштението на Кремљ објавено доцна вечерва.
Кремљ претпоставува дека Украина ќе го следи примерот на Русија и ќе го почитува прекинот на огнот, се вели во соопштението.
Украинскиот претседател Володимир Зеленски претходно предложи слично примирје за православниот Велигден, но рече дека немало руски одговор. Во соопштението на Кремљ не се споменуваше тој предлог.
Путин, исто така, прогласи 30-часовно велигденско примирје минатата година, за време на кое Русија и Украина се обвинуваа меѓусебно за негово кршење.
Украина подоцна понуди да се придржува до прекинот на огнот најмалку 30 дена за да се овозможи простор за мировни разговори, но Русија го отфрли.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
