Путин овој пат нема да може да каже НЕ: Зеленски има нова понуда за прекин на војната во Украина

Украинскиот претседател Володимир Зеленски директно му се обрати на рускиот претседател Владимир Путин со нова понуда за средба лице в лице за завршување на војната во Украина што започна на 24 февруари 2022 година. Зеленски му предложи на Путин да се сретнат во Соединетите Држави со посредство на американскиот претседател Доналд Трамп.

„Му понудивме на Путин да се сретнеме каде било за да се стави крај на војната. Тој одби. Разговаравме со Соединетите Држави и Франција за можноста за средба со Русија на самитот на Г7, со сите претставници на демократските нации. Путин не го сака ниту тоа. Вчера разговаравме со претседателот Трамп дека таква средба би можела да се одржи во Соединетите Држави, во формат на кој би било тешко Путин да каже не, дури и на претседателот Трамп. Ќе видиме што ќе произлезе од тоа. Ако Русија го одбие и ова, ќе треба да се примени дополнителен притисок“, рече Зеленски.

We offered Putin to meet anywhere where real decisions to end the war could be made. He does not want it.

We discussed with the U.S. and France the possibility of a meeting with Russia around the G7, with all democratic nations represented. Putin does not want it.

Yesterday,… pic.twitter.com/6NNQH8QLW8

— Volodymyr Zelenskyy / Володимир Зеленський (@ZelenskyyUa) June 15, 2026

На 4 јуни, Зеленски испрати отворено писмо до Путин, поканувајќи го на средба лице в лице за да се стави крај на војната во Украина, која трае од 24 февруари 2022 година. Путин го прочита писмото, но ја одби средбата бидејќи смета дека „нема смисла“ да се сретне со Зеленски.