Скопскиот градоначалник Орце Ѓорѓиевски, заедно со градската администрација, градоначалниците од скопските општини, со младите и волонтерите, денеска ја продолжи големата акција за расчистување на градот.
– Илјадници луѓе повторно ја претворија љубовта кон Скопје во дело. Со засукани ракави и со искрена желба да придонесат, покажаа дека чист и уреден град се создава со труд, со одговорност и со заедништво. Покажавте колку сме силни кога работиме за иста цел – нагласи Ѓорѓиевски.
Тој им порача на сите што несовесно фрлаат отпад, да го почитуваат трудот на нивните сограѓани.
– Некој одвоил од своето време, се наведнал и го собрал она што друг го фрлил. Вложил сила и труд за да живееме поубаво сите. Никој нема право со својата неодговорност да го погазува тој придонес. Ние продолжуваме со истата решителност – изјави Ѓорѓиевски.
Тој ги повикува сите граѓани да почнат од својот праг, од својата улица, од паркот во кој ги носат децата.
– Да го чуваме исчистеното и со сопствениот пример да поттикнеме уште некого да се приклучи – наведе Ѓорѓиевски.
Тој повтори дека дополнително, во употреба е пуштена и новата механизација, а низ Скопје веќе се поставуваат и новите 3.300 контејнери.
Градоначалникот Ѓорѓиевски нагласи дека овие акции ќе се организираат двапати месечно.
ИЗДВОЕНИ
Мицкоски ја кани опозицијата во преговарачкиот тим со Бугарија – ќе проработи ли националното единство?!
Посвоените да можат да го дознаат потеклото, ЗНАМ предлага законски измени
Крај за живот на кредит – за 100 илјади евра, рата од 500 евра месечно!?
Туршијата станува луксуз – кило карфиол колку кило пилешко!
