Српскиот тенисер Новак Ѓоковиќ одлучи да се повлече од Роџерс купот во Монтреал затоа што сакаше време за одмор, но неговата партнерка во мешани двојки, Арина Сабаленка, дојде во Канада за да ја „изостри“ својата форма за Отвореното првенство на САД. Тој сака Сабаленка да стигне до нов гренд слем во Њујорк, но сака и титула во двојки со Ѓоковиќ.
Таа истакна дека нема многу искуство во игрите во двојки, но верува дека пријателството што го негува со Ѓоковиќ со години може да биде фактор на изненадување за нивните противници.
– Ќе одиме докрај. Се надевам дека овој пат сите ќе бидат здрави. Навистина сум возбудена. Мислам дека ќе биде забавно. Играњето со Новак е секогаш забавно. Што се однесува до мешаните двојки, јас сум играла само еднаш во животот, мислам на гренд слем турнирите, а сега одиме со полна сила до крајот. Знаете, ние само ја бркаме титулата, верувам дека тоа е нашата цел, па мислам дека ќе биде забавно и интензивно – рече Арина Сабаленка.
Секако, и покрај овие најави, јасно е дека мешаните двојки ќе бидат помал приоритет за двајцата отколку титулите во поединечна конкуренција на Отвореното првенство на САД.
Нов формат на Отвореното првенство на САД
Организаторите на последниот гренд слем во сезоната го објавија списокот на учесници за специјалниот турнир што ќе се одржи на 25 и 26 август, непосредно пред почетокот на главниот дел од натпреварувањето. Меѓу многуте големи имиња се издвојува српско-белорускиот тандем, кој веднаш привлече огромно внимание во јавноста.
Форматот на мешани двојки минатата година се покажа како голем хит, натпреварите се пократки и подинамични и, пред сè, служат како загревање за главниот настан што следува.
Ѓоковиќ и Сабаленка нема да бидат единствената атракција, бидејќи на теренот ќе има уште неколку спектакуларни комбинации. Елена Рибакина ќе игра со Тејлор Фриц, Мира Андреева со Андреј Рубљов, Ига Швионтек со Каспер Рад, додека Дијана Шнајдер и Даниил Медведев, Тејлор Таунсенд и Александар Зверев, како и Наоми Осака и Кеи Нишикори ќе настапат во комбинација.
