Дваесет и деветгодишен жител на Гевгелија е лишен од слобода откако полицијата го затекнала како управува патничко возило „БМВ“ со брзина од 204 километри на час на автопатот А1, кај клучката Смоквица.
Како што соопшти Министерството за внатрешни работи, случајот бил регистриран на 29 јули 2026 година во 21:26 часот, кога полициски службеници од СВР Струмица – ОВР Гевгелија вршеле контрола на сообраќајот со радар.
При контролата било утврдено дека возачот Ж.Д. (29) од Гевгелија се движел со брзина од 204 километри на час на делница каде што максимално дозволената брзина е 120 километри на час.
Возачот веднаш бил исклучен од сообраќај и лишен од слобода, а за настанот бил известен дежурен јавен обвинител од Основното јавно обвинителство Гевгелија.
Од МВР информираат дека по целосното документирање на случајот против него ќе биде поднесена соодветна кривична пријава по член 297-а од Кривичниот законик за кривичното дело „безобѕирно управување со моторно возило“.
ИЗДВОЕНИ
Заболените од западнонилска треска каснати од домашен комарец се од околината на Скопско Поле
Случај Гостивар: Заразата од водата се смирува, се очекува до крајот на неделата да биде и за пиење
МАКЕДОНСКАТА ЗАЕДНИЦА СЕ МОБИЛИЗИРА СПРОТИ ПРЕБРОЈУВАЊЕТО НА НАСЕЛЕНИЕТО: „Регистрирајте се како Македонци“ – ќе покаже ли пописот во Австралија над 200.000 нашинци?
ПО РЕАКЦИИТЕ НА АНТИКОРУПЦИОНЕРИТЕ И НА ОПОЗИЦИЈАТА ЗА НАБАВКИТЕ БЕЗ ТЕНДЕР: Законот за „Скопје 2028“ ќе почека до септември
