Американската војска размислува официјално да ја преименува војната со Иран во „Operation Sledgehammer“ (Операција чекан) доколку прекинот на огнот пропадне и американскиот претседател Доналд Трамп одлучи да ги продолжи големите борбени операции, открија двајца американски функционери.
Администрацијата на Трамп прогласи крај на „Операцијата Епски бес“ откако САД и Иран се согласија на прекин на огнот на почетокот на април за да ги продолжат дипломатските разговори. Иако Конгресот е информиран дека непријателствата со Иран се завршени, Пентагон продолжи да го опишува конфликтот со Иран како Операција Епски бес. Претставник на Пентагон изјави дека Епски бес е сè уште во тек и дека прекинот на огнот само привремено ги запрел големите борбени операции.
Сите нови воени борбени операции против Иран ќе бидат спроведени под ново име и нова операција, изјави за NBC функционер на Белата куќа запознаен со прашањето, а од перспектива на администрацијата, тоа ефикасно би го рестартирало рокот од 60 дена на Трамп за водење војна без одобрение од Конгресот.
Имено, Резолуцијата за воени овластувања од 1973 година бара од претседателот да го извести Конгресот за војната во рок од 48 часа од почетокот на непријателствата, во спротивно војската мора да се повлече во рок од 60 дена или Конгресот мора да одобри воена акција. Офанзивните борбени операции беа прекинати по 40 дена борби, па администрацијата на Трамп тврди дека, со оглед на паузата, прагот од 60 дена не е исполнет.
Трамп во понеделник откри дека една од главните пречки во преговорите е неговото инсистирање дека Иран не може да има нуклеарно оружје. Тој додаде дека примирјето сега е на несигурни нозе.
„Би рекол дека сега е најслабо, откако ги прочитав глупостите што ни ги испратија. Дури и не го дочитав до крај, реков дека нема да трошам време читајќи го“, рече тој, коментирајќи го предлогот за мировен договор со Иран.
Военото присуство на САД на Блискиот Исток сега е поголемо отколку кога започна војната во февруари.
„Сега сме во подобра позиција отколку што бевме на 27 февруари. Имаме поголема борбена моќ и капацитет“, изјави еден американски функционер за NBC.
ИЗДВОЕНИ
СЕ РАЗЈАСНУВА РАСПРЕДЕЛБАТА НА ВЛАДИНИТЕ РЕСОРИ: Вреди со шест ресори меѓу кои и правда, култура и односи меѓу заедниците, ЗНАМ со две министерства
НАЈАВА ОД ЧЕСТВУВАЊЕTO НА СПОМЕНОТ НА ПРОГОНОТ НА МАКЕДОНЦИТЕ ВО ГРАЃАНСКАТА ВОЈНА ВО ГРЦИЈА: Релјефот на мајката со трите деца се враќа на споменикот на децата бегалци од Егејска Македонија
ЖИВОТНИ ПАТОКАЗИ, ЗОРАН КРСТЕВСКИ: ЖИВЕЈ СО СМИСЛА
Бојан Илиевски како вистинска суперѕвезда! Победник во шоуто „Ѕвездите на Гранд“ спектакуларно дочекан и во општината Кисела вода
