„Ер Форс Уан“ на Трамп е на пат кон Кина, полн со милијардери и шефови на технолошки гиганти/ФОТО

Елон Маск е само еден од истакнатите американски бизнис лидери што го придружуваат американскиот претседател Доналд Трамп на неговата државна посета на Кина оваа недела. Портпарол на Белата куќа потврди дека Маск се качил на претседателскиот авион „Ер Форс Уан“, кој полетал за Пекинг, објави Ројтерс.

Најбогатиот човек во светот, кој моментално е во правен спор со шефот на „ОпенАИ“ во Калифорнија, е дел од групата директори поканети да се придружат на Трамп.

На списокот на патници се наоѓаат и Тим Кук, кој официјално ќе се повлече од функцијата извршен директор на „Епл“ во септември, и Јенсен Хуанг, шефот на „Нвидија“, еден од најголемите добавувачи на чипови за вештачка интелигенција во светот.

Team CHYYYYYNA 🇨🇳🇺🇸 pic.twitter.com/UxGprTTWMV

— Lara Trump (@LaraLeaTrump) May 12, 2026

Трамп е придружуван од извршниот директор на Боинг, Роберт „Кели“ Ортберг, претседателот и извршен директор на БлекРок, Лари Финк, претседателот и извршен директор на Блекстоун, Стивен Шварцман, претседателот и извршен директор на Каргил, Брајан Сајкс, и претседателката и извршен директор на Сити, Џејн Фрејзер. Во делегацијата се и извршниот директор на Кохерент, Џим Андерсон, претседателот и извршен директор на GE Aerospace, Х. Лоренс Калп, претседателот и извршен директор на Голдман Сакс, Дејвид Соломон, извршниот директор на Илумина, Џејкоб Тејсен, извршниот директор на Мастеркард, Мајкл Мибах, претседателката и потпретседателка на Мета, Дина Пауел Мекормик, претседателот и извршен директор на Микрон, Санџај Мехротра, претседателот и извршен директор на Квалком, Кристијано Амон и извршниот директор на Виза, Рајан Мекинерни.

Пред да замине за Пекинг, Трамп разговараше со новинарите.