Претставничкиот дом на САД по третпат гласаше за резолуција со која се бара запирање на војната со Иран; бројот на републиканци од владејачката партија кои застанаа на страната на опозициските демократи се зголеми, обезбедувајќи го мнозинството потребно за нејзино усвојување.
Целта на резолуцијата е да се спречи американскиот претседател Доналд Трамп да започне војна против Иран без одобрение од Конгресот на САД.
Ова е трета таква резолуција ова лето, но ниту една не стигнала до претседателот за потпис – а извесно е дека Трамп би ставил вето на неа.
Со оглед на многу тесното републиканско мнозинство, претходно четворица републикански пратеници им го обезбедија на опозициските демократи мнозинството потребно за усвојување на резолуцијата.
Овој пат, такви пратеници беа седуммина – вклучително и Закари Нан од Ајова, кој се соочува со неизвесна битка за своето место на ноемвриските меѓуизбори за Конгресот.
Сите демократски пратеници гласаа „за“ резолуцијата, пренесе „Бета“.
