Унгарскиот претседател Тамаш Суљок денес изјави дека Венецијанската комисија спроведува итна постапка за истрага на обидот за разрешување на него и другите раководители на независни уставни институции, објави „Телекс“.
Тој на социјалната мрежа „Фејсбук“ изјави дека ова може да предизвика „уставна криза“ и во исто време да претставува закана за основните уставни принципи.
Понатаму се наведува дека „експертите од советодавното тело на Советот на Европа за уставно право се подготвени да патуваат во Унгарија за целосно да се запознаат со ситуацијата. Консултациите ќе започнат без одложување“.
Партијата „Тиса“ освои убедливо двотретинско мнозинство на 12 април, а Петер Маѓар повика на оставка на неколку државни функционери во изборната ноќ.
Тој му даде на Суљок рок до 31 мај да поднесе оставка, но претседателот на Републиката одлучи да не го стори тоа.
Следниот ден, премиерот лично го посети Суљок, по што изјави дека, користејќи го своето двотретинско мнозинство, ќе го измени Уставот со цел „да се врати владеењето на правото во Унгарија“.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
