Се очекува поранешниот советник за национална безбедност на американскиот претседател Доналд Трамп, Џон Болтон, кој стана еден од најгласните критичари на републиканскиот претседател, да се изјасни за виновен за злоупотреба на класифицирани документи, објави Си-Ен-Ен, повикувајќи се на три извори запознаени со ова прашање.
Болтон има намера да се изјасни за виновен по едно обвинение за нелегално задржување документи важни за националната безбедност и се согласи да плати казна од повеќе од 2 милиони долари, објави „Си-ен-ен“.
Според судските документи, Болтон треба да се појави на суд на 26 јуни за да се изјасни за ново во случајот. Кога првпат беше изведен на суд во октомври 2025 година, тој се изјасни за невин.
Болтон беше советник за национална безбедност во Белата куќа за време на првиот мандат на Трамп, пред да стане еден од неговите најгласни критичари. Поранешниот амбасадор на САД во Обединетите нации го опиша Трамп како несоодветен за претседател во мемоарите што ги објави во 2024 година.
Во обвинението против Болтон се тврди дека тој споделил чувствителни информации со двајца свои роднини за да ја напише книгата, вклучувајќи белешки за разузнавачките брифинзи и состаноци со високи владини претставници и странски лидери, пренесе „Хина“.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
