Локализиран е пожарот во фабриката за производство на мебел „Рад трејд“ кој букна околу 16 часот и 30 минути во Жировница кај Крагуевац, а повредени нема, пренесуваат српските медиуми.
Со брзата итнервенција на 17 пожарникари од Крагуевац и Баточина, кои го гаснеа пожарот со седум возила, спасени се 1.000 квадрати од магацинот и од просторот со машните, пишува РТС.
Гореа околу 1.500 квадратни метри двокатен производствен погон, потврди претхнодно началникот на Управата за вонредни ситуации на Крагуевац Зоран Кочовиќ.
Според него, нема повредени и настрадани, пренесува РТС.
Како што се наведува, инспекторите на Полициската управа и Управата за вонредни ситуации на Крагуевац ќе ги утврдат причините за пожарот.
