Една писта на лондонскиот аеродром „Хитроу“ е привремено затворена поради пожар на тревна површина, што предизвика доцнење на летовите.
Според извештаите на британските медиуми, некои полетувања се привремено стопирани, а фотографиите направени од патници од терминалот прикажуваат густ чад што се издига во близина на пистата.
Патник објави фотографија на социјалните мрежи на која се гледа облак од чад во близина на пистата, додека патниците ја следеа ситуацијата.
Патниците кои пристигнуваат на аеродромот се предупредени да очекуваат можни доцнења, бидејќи аеродромот привремено ќе работи со само една активна писта.
Порталот „Aviation UK News“ објави на платформата X: „Пистата 27L на лондонскиот аеродром Хитроу е привремено затворена поради пожар на тревна површина. Се очекуваат значителни доцнења и воведени се ограничувања во сообраќајот. Аеродромот ќе работи со една писта до понатамошно известување.“
ИЗДВОЕНИ
УЧИЛИШТАТА ЌЕ ГО ДОЧЕКААТ СЕПТЕМВРИ СО 3.000 ПРВАЧИЊА ПОМАЛКУ: Белата чума урива историски рекорди во Македонија, ќе заѕвони ли ѕвончето за тревога?!
Дел од онколошката терапија пристигна, другиот за два дена
Граѓаните чекаат поевтина струја и повеќе часови евтина тарифа
Вината се бара на погрешно место – откупувачите пријавуваат субвенции, а не земјоделците
