Потресни детали од авионската несреќа во Франција: Загинаа пред првиот скок со падобран што го добиле како подарок

Единаесет лица загинаа во падот на цивилен авион во Томблан, во близина на Нанси, Франција, вклучувајќи ги и учесниците кои го добија својот прв скок со падобран како подарок, потврди Франсоа Пелилисиер, директор на аеродромот Гранд Нанси Томблан од кој полета авионот.

Пелилисиер ја опиша несреќата како „апсолутна трагедија“, изразувајќи сочувство до семејствата на жртвите. Како што изјави, некои од патниците во авионот биле вклучени во организиран тандем скок со падобран како дел од програма на здружение кое ги користи објектите на аеродромот за рекреативни летови и обука за време на викендите.

Според него, ова биле летови во кои учествувале и луѓе за кои скокот бил подарок, што дополнително ја зголемува сериозноста на несреќата.

🚨🇫🇷 BREAKING: Plane Crash in France

A civilian aircraft has crashed near Nancy in eastern France.

At least 11 people have been killed, according to the local prefecture.

Authorities have launched an investigation into the cause of the crash. pic.twitter.com/qk4brP2x3e

— NATO NEWS (@NATO307287741) June 28, 2026

Поранешниот претседател на Француската канцеларија за истрага и анализа на безбедноста на цивилното воздухопловство (BEA), Жан-Пол Троадек, изјави за BFMTV дека истражителите се фокусирани на првите минути по полетувањето, бидејќи авионот се урнал многу брзо по полетувањето.

Тој рече дека потенцијални причини би можеле да бидат технички дефект, вклучувајќи проблем со моторот, но и можна нерамнотежа во авионот.

Троадек нагласи дека истрагата ќе вклучува анализа на снимките од контролата на летање, податоците од радарот и сите снимки од самиот авион, како и изјави од сведоци на земја. Тој рече дека видео снимките што патниците можеби ги направиле за време на летот, исто така, би можеле да бидат од особено значење.

Според него, истражителите, исто така, темелно ќе ја проверат техничката состојба на авионот, како и целосната документација за неговото одржување.

Во несреќата што се случи денеска животите ги загубија пилотот, медицинскиот персонал и инструкторите за падобранство кои учествувале во летот и планираниот скок.