Популарно хрватско одморалиште во пламен: Огнена стихија се заканува да го уништи бисерот на Јадранот/ВИДЕО

Страотни сцени доаѓаат од Јадранското Море, каде што огнената стихија излезе од контрола и се заканува да го уништи еден од најубавите бисери на хрватското крајбрежје.

На популарниот хрватски остров Вис избувна страшен пожар на отворено, кој буквално ја претвори ноќта во ден и го обои небото во апокалиптична портокалова боја. Посетителите и локалното население во шок гледаа како пожарот безмилосно ја проголтува боровата шума и ниската вегетација, додека густ чад висеше над целото одморалиште така што не можеше да се види ни прст пред окото.

Сè започна во недела околу 22:30 часот, кога огнената стихија го зафати подрачјето Комижа, поточно по патот кон Подхумље. Поради екстремно сувата почва и вегетација, пожарот се прошири со застрашувачка брзина во првите часови по избувнувањето, иако за среќа немаше силни налети на ветер во текот на ноќта што би ја отежнале ситуацијата уште повеќе за пожарникарите.

Сцените од местото на настанот се, благо речено, морничави, додека противпожарните екипи веднаш беа испратени да се борат со пламенот.

Сите расположиви противпожарни сили од оперативната област Вис беа итно испратени на местото на настанот. Херои од противпожарните служби на Комижа и Вис учествуваат во безмилосната борба против пламенот.

Утрово во 5:40 часот, три противпожарни авиони се приклучија на операцијата за гаснење, а беше испратен и четвртиот авионкој делуваше од воздух. Целиот регион е исто така во состојба на готовност. Моќни засилувања од копното се испраќаат во Вис со првиот ферибот од Сплит.

Надчовечките напори на пожарникарите продолжуваат, а останува надежта дека моќните засилувања од земја и воздух ќе успеат да го изгаснат овој пекол на островот.