сабота, ноември 21, 2026
Дома МАКЕДОНИЈА Полициски кордон во Крива Паланка: Заврши протестот на незадоволните граѓани, се огласи...

Полициски кордон во Крива Паланка: Заврши протестот на незадоволните граѓани, се огласи МВР

0

Полицијата денеска постави кордон на магистралниот пат Крива Паланка – Деве Баир и на улицата „Св. Јоаким Осоговски“, со цел да ја гарантира безбедноста на граѓаните за време на најавениот протест во Крива Паланка, информираат од Министерството за внатрешни работи.

„Ве известуваме дека на денешниот најавен протест во Крива Паланка од страна на МВР беше поставен кордон на магистралниот пат Крива Паланка и Деве Баир и улицата Св.”Јоаким Осоговски” со цел да им се обезбеди сигурноста на граѓаните. Протестот е завршен без посериозни нарушувања на јавниот ред и мир“, информираат од МВР.

Причина за незадоволството на жителите се повеќе од илјада крави кои слободно се движат низ Крива Паланка, при што, според нивните реакции, предизвикуваат штети на земјоделските посеви и имотот, но и загриженост за безбедноста.

Протестот го најави градоначалникот Митовски, кој порача дека граѓаните нема да бидат оставени сами во барањето решение за проблемот.

ИЗДВОЕНИ