Подгорица ја осудува изјавата на Вучиќ по повод годишнината од независноста на Црна Гора

Министерството за надворешни работи на Црна Гора објави дека е неприфатливо и политички неодговорно годишнината од враќањето на црногорската независност да се претставува како чин насочен против Србија или српскиот народ.

Како одговор на изјавата на српскиот претседател Александар Вучиќ од 14 мај дека ќе „ие плукне во лице себе си и својот народ“ ако учествува во прославата на „отцепувањето“ на Црна Гора од Србија, црногорското Министерство објави дека Вучиќ продолжува со реторика што не придонесува за добрососедски односи.

Во објава на социјалната мрежа X, Министерството изјави дека во 2006 година, Црна Гора „ја врати својата независност со слободната волја на своите граѓани, на демократски референдум, во целосна согласност со Уставната повелба на Државната заедница на Србија и Црна Гора, правилата на меѓународното право и стандардите на Европската Унија“.

Sa žaljenjem konstatujemo da predsjednik Srbije Aleksandar Vučić i povodom obilježavanja jubileja obnove crnogorske nezavisnosti nastavlja sa retorikom koja ne doprinosi dobrosusjedskim odnosima i međusobnom poštovanju dvije međunarodno priznate države.

Crna Gora je 21. maja…

— MFA Montenegro (@MFA_MNE) May 14, 2026

Исто така, се додава дека Црна Гора и Србија биле рамноправни членки на државната заедница што се појавила по распадот на поранешна Југославија и дека со враќањето на својата независност, Црна Гора ѝ овозможила и на Србија да го продолжи својот државно-правен континуитет како независна држава.

„Црна Гора не ја слави својата независност против никого – туку во чест на слободно изразената волја на своите граѓани, нејзината историска, државна и идентитетска единственост, како и правото на секој народ демократски да одлучува за својата иднина“, се наведува во соопштението.

Во времето на распадот на Југославија во раните 1990-ти, Црна Гора останала во Сојузна Република Југославија, федерација со два члена со Србија, подоцна Државна заедница на Србија и Црна Гора.

Кампањата за враќање на независноста во 2006 година ја водеше лидерот на тогаш владејачката Демократска партија на социјалистите, Мило Ѓукановиќ.

Од друга страна, просрпските партии собрани во блок за заедничка држава со Србија беа против независноста.

55,5 проценти од црногорските граѓани гласаа за независност на референдумот во 2006 година.