Општина Дебар почна со реализација на еден од значајните инфраструктурни проекти за градот: изградба на јавни паркинзи, со цел подобрување на сообраќајниот режим, зголемување на безбедноста во сообраќајот и создавање подобри услови за граѓаните и за посетителите на градот.
– Основниот проект за паркинзи во градот Дебар претставува инвестиција со вкупна вредност од 16.215.470 денари. Ќе се изгради простор со 250 паркинг-места, а инвестицијата е на Општина Дебар. Изведувач на работите е АРХ „Конструкцион“ ДООЕЛ од Тетово, додека стручниот надзор го врши „МГ Проект“ ДООЕЛ од Скопје – информираше градоначалникот на Општина Дебар, Фисник Меља.
Тој додава дека овој проект е резултат на посветеноста на локалните институции и на одличната соработка со централната власт, што претставува уште една потврда за заедничката заложба за развој на Дебар.
Инаку, ова е прв ваков проект во градот, каде што на големо се чувствува недостигот на простор за паркирање, кој е особено изразен во летниот период, кога престојуваат иселениците во градот.
– Општина Дебар ѝ останува посветена на реализацијата на конкретни проекти што го подобруваат квалитетот на животот на граѓаните и придонесуваат за создавање помодерен, пофункционален и подобро организиран град за сите – нагласи Меља.
ИЗДВОЕНИ
Инспекторите им дишат во врат, Мицкоски им се закани со казни, ќе ги намалат ли цените маркетите?
Дизелот ќe поевтини за 7 денари, бензините до 4 денари по литар – Македонија со најевтини горива од соседите
„Изговори не прифаќам“ им порача Мицкоски на маркетите – намалете ги цените или ќе реагира Владата
Младите добиваат 10.000, постарите 7.000 евра за самовработување
