Шеикот Ахмед бин Рашид Ал Мактум почина денеска, а Дубаи прогласи десетдневна жалост со спуштање на знамињата на половина копје.
Шеикот Ахмед бин Рашид Ал Мактум почина во понеделникот наутро, соопштија властите во Дубаи.
„Судот прогласи десетдневна официјална жалост во Дубаи, за време на која знамињата ќе бидат спуштени на половина копје, почнувајќи од денес, понеделник“, се наведува во соопштението на Канцеларијата за медиуми на Дубаи (Dubai Media Office).
Владетелот на Дубаи, Мохамед бин Рашид Ал Мактум, се огласи на социјалната мрежа „X“ за да му оддаде почит на својот брат.
„Нека Бог ти се смилува, брате мој… Се врати кај Возвишениот и Племенит Господар… Веќе не си пред нашите очи, но остануваш во нашите молитви и срца.
Кој беше шеикот Ахмед бин Рашид Ал Мактум?
Како четврти и најмлад син на некогашниот владетел на Дубаи (шеикот Рашид бин Саид Ал Мактум, кој владееше од 1958 година до неговата смрт во 1990 година) и брат на актуелниот владетел, шеикот Ахмед бин Рашид Ал Мактум ја вршеше функцијата заменик-началник на полицијата и јавната безбедност на Дубаи. По школувањето на Кралската воена академија Сандхерст во Велика Британија, тој посвети децении на развојот на спортот. Беше долгогодишен прв човек на клубот Ал-Васл, еден од основачите на Dubai International Marine Club и клучна фигура во развојот на коњичките трки и хиподромот Џебел Али.
The Court of His Highness Sheikh Mohammed bin Rashid Al Maktoum, Vice President and Prime Minister of the UAE and Ruler of Dubai, mourns the passing of the late Sheikh Ahmed bin Rashid Al Maktoum this morning, Monday. The Court has declared a ten-day period of official mourning… pic.twitter.com/lJxaYxM7BX
— Dubai Media Office (@DXBMediaOffice) September 21, 2026
