Петар Маѓар: Во тек се вонредни напори за продолжување на работата на нуклеарната централа Пакш

Во Пакш се во тек вонредни напори за одржување на работата на двете преостанати турбини на нуклеарната централа, напиша унгарскиот премиер Петер Маѓар на мрежата „Икс“.

Тој нагласи дека критичните денови ќе бидат вторник и среда, бидејќи дотогаш се очекува дополнителен пад од 14-15 см на нивото на водата во Дунав.

„Моментално сме девет сантиметри од нивото на водата што би барало повторно исклучување на претпоследната турбина. Ова може да се избегне само ако потонувањето на баржата ги донесе очекуваните резултати“, напиша Маѓар.

Според него, нивото на водата би можело повторно да се покачи од четврток поради врнежите во австриските сливни подрачја, додека во исто време изградбата на брана во речното корито напредува со исклучително брзо темпо.

Експертите за управување со водите одлучија утре да отворат брана на кракот Раквеј-Шороксари (RSD) на Дунав, рече Унгарецот, а тоа ќе „ослободи“ дополнителни 20 квадратни метри вода во секунда во главното корито на Дунав, што би можело да донесе дополнителни два сантиметри во Пакш.

Тој исто така рече дека е во тек бавното потонување на два побрзи брода долги 80 метри, и дека до вечерва тие ќе бидат потопени до еден метар, додека пумпањето вода во труповите ќе продолжи утре наутро.

Унгарскиот премиер додаде дека во меѓувреме, баржите веќе се под огромен притисок на водата. Тие се поставени попречно и се обезбедени со челични кабли со „невидена дебелина“ и долги 500 метри до столбови со дијаметар од 70 сантиметри забиени на длабочина од осум метри, рече тој, и им се заблагодари на стотиците експерти кои неуморно работат на терен, и покрај топлината.

Нуклеарната централа Пакш моментално работи со намален капацитет поради историската суша и рекордно ниските нивоа на водата во Дунав, водата што се користи за ладење на електраната, пренесе „Бета“.