Колумбискиот претседател Абелардо де ла Есприела денес побара од својот сојузник, американскиот претседател Доналд Трамп, да ги суспендира царините за да ѝ помогне на јужноамериканската земја да се опорави од катастрофалниот земјотрес во кој загинаа најмалку 294 лица.
Есприела напиша на платформата „Икс“ дека разговарал со Трамп и дека му се заблагодарил за помошта што САД ја испратиле како одговор на земјотресот, пренесува „АП“.
Тој додаде дека го замолил да размисли за привремено суспендирање на високите царини што влијаат на колумбиските производи, за да им помогне на деловните луѓе, кои се соочуваат со многу тешки времиња поради последиците од земјотресот.
Според Стејт департментот, САД ѝ понудија на Колумбија вкупно 26,5 милиони долари помош за земјотресот, вклучувајќи храна, засолниште и медицински материјали.
Есприела, кого Трамп го поддржа на претседателските избори, ја презеде функцијата на 7 август, само неколку дена пред Колумбија да биде погодена од земјотрес со јачина од 7,4 степени на 10 август.
ИЗДВОЕНИ
Имаме евтино жито, а скап леб – пченицата падна од 20 на 10, а лебот се качи од 25 на 35 денари
Инфлацијата во Македонија од 14,7 падна на 2,3 отсто и е под европскиот просек
Македонија станува големо градилиште, се гради на повеќе од 1.200 локации
Софија Ампова, првата акушерка во Гевгелија – Помогнала при раѓањето голем број гевгелиски деца
