Американскиот амбасадор во НАТО, Метју Витакер, изјави дека европските сојузници ќе мора да одлучат дали да застанат на страната на САД или да тргнат по друг пат. Неговите изјави доаѓаат во време на зголемени тензии и одбивање на европските земји да испратат воени бродови во Персискиот Залив.
Во интервју за новинскиот канал Newsmax на YouTube, Витакер изрази отворено незадоволство од реакцијата на Европа на актуелните глобални настани.
„Дојде време да одлучите на чија страна сакате да застанете. Дали сте на страната на САД? Дали сте клучен сојузник на САД? Или се движите во некоја друга насока?“, праша американскиот амбасадор.
Според него, Вашингтон бара „јасни морални сигнали“ од своите сојузници. Витакер нагласи дека во овој момент, само зборовите не се доволни, туку конкретни капацитети и акции на терен.
Овие изјави доаѓаат по заканата на американскиот претседател Доналд Трамп да ги повлече САД од НАТО, бидејќи европските членки на Алијансата одбиваат да ги поддржат воените акции на САД против Иран.
„Сега не е време само за изјави, колку и да се сурови. Време е за вистинска акција. Време е за фрегати во Хормускиот Проток. Како што знаете, Европејците дадоа многу изјави во изминатиот месец. Некои од нив се спротивни на американските интереси, додека други само делумно ги поддржуваат“, нагласи амбасадорот.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
