Иран подготвува нов режим за навигација низ Хормускиот Проток, кој ќе ги дефинира правилата за воени и комерцијални бродови, како и одговорностите на државите и сопствениците на бродови, изјави иранскиот заменик-министер за надворешни работи, Казем Гариб-Абади.
Гариб-Абади во изјава за „Спутник“ изјави дека предложениот протокол ќе опфати неколку аспекти, вклучувајќи процедури за премин на воени бродови, како и посебни услови за комерцијални бродови.
Според него, документот ќе содржи и одредби за одговорностите на крајбрежните држави, при што Иран и Оман ќе бидат одговорни за обезбедување безбеден и непречен премин низ Протокот.
Ќе бидат дефинирани и обврските на државите под чии знамиња пловат бродовите, како и нивните сопственици, вклучувајќи ги и можните такси за обезбедените услуги.
– Сите овие прашања сè уште се разгледуваат и, откако ќе се постигне договор со Оман, ќе биде издадено официјално соопштение. Прерано е да се зборува за специфични тарифи и можни трошоци, рече Гариб-Абади.
Иницијативата доаѓа по ескалацијата на конфликтот, откако САД и Израел започнаа напади врз цели во Иран, вклучувајќи го и Техеран, на 28 февруари.
Потоа Иран возврати со ракетни напади врз израелска територија и американски воени објекти на Блискиот Исток.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
