Овој викенд, нуркачкиот центар „Амфора“ реализираше успешна еколошка акција за чистење на дното на Охридското Езеро од цврст отпад. Притоа, било отстрането големо количество отпад од дното на езерото.
– Овој викенд, подводниот свет на Охридско Езеро, со централна локација во автокампот „Градиште“, беше почист и побезбеден благодарение на големата регионална еколошка акција. Во акцијата се обединија 80-мина нуркачи со заедничка мисија: заштита на едно од најстарите и највредни природни богатства во Европа. Уште еднаш покажавме дека регионалната соработка може да направи вистинска разлика за природата и за идните генерации – потенцираа од „Амфора“.












