Јавното претпријатие Комунална Хигиена и во текот на новогодишната ноќ реализираше активности за одржување на хигиената и чистотата на јавните површини во градот Скопје, како и празнење на поставените садови за одлагање комунален отпад.
-Веднаш по завршувањето на новогодишната прослава на плоштадот
„Македонија“, екипите на претпријатието извршија целосно расчистување на просторот на плоштадот, улицата „Македонија“ и пешачките мостови во централното градско подрачје, во чиишто рамки беа подигнати и транспортирани 20 кубни метри ситни отпадоци одложени на јавни површини – соопштија од ЈП Комунална Хигиена.
Оттаму додаваат дека во текот на новодишната ноќ биле отстранети и приближно 30 кубни метри отпад од диви депонии во скопските општини Гази Баба и Карпош.
-Интервенирано е на улицата „Душан Тасковиќ“, во населбата Железара, како и на булеварот „Илинден“, во непосредна близина на комплексот „Мида“.
