Откриен нарко-тунел помеѓу Мексико и САД долг 600 метри/ВИДЕО

Четири лица се уапсени и обвинети за трговија со кокаин вреден повеќе од 45 милиони долари преку подземен тунел што ги поврзува Мексико и Калифорнија, објавија денес американските федерални власти.

Според Министерството за правда на САД, тунелот долг 600 метри се наоѓал помеѓу Тихуана и областа Отај Меса во Сан Диего и бил опремен со електрична енергија, вентилација, зајакнати ѕидови и железнички систем за транспорт, објави CBS.

Истрагата е започната по надзор на магацин што работел како дел од продавница „Купи за помалку“ во близина на границата, каде што истражителите забележале необична активност и серија сомнителни движења на стоки.

Four Charged after suspected cartel tunnel found near Otay Mesa border crossing
Four men face federal drug distribution charges following the discovery of a highly sophisticated, 1,933-foot-long cross-border tunnel running from Tijuana, Mexico, to a fake retail front in San… pic.twitter.com/fjDFIATNF3

— American Crime Stories (@AmericanCrime01) June 2, 2026

За време на операцијата е запленет повеќе од еден тон кокаин, додека федералните агенти велат дека осомничените користеле возила и таен транспорт за да преместуваат пакети преку границата.

Подоцна, службениците открија влез во тунел под подот на магацинот, а се вели дека подземниот премин бил длабок околу 17 метри и се протегал повеќе од 300 метри на американската страна и дополнителни 240 метри на мексиканска територија.

Четири осомничени, меѓу кои државјани на САД и Мексико, се обвинети за дистрибуција на наркотици, додека еден од нив е обвинет за изградба и користење на неовластен прекуграничен тунел.

Сите се соочуваат со можна казна до доживотен затвор.

Федералните службеници изјавија дека акцијата претставува сериозен удар врз криминалната организација, при што истрагата продолжува и соработката на повеќе безбедносни агенции.