Русија нема да се согласи на уште едно примирје во украинската криза без јасно разбирање за тоа што ќе се случи понатаму, изјави денеска рускиот министер за надворешни работи Сергеј Лавров.
„Нема да се согласиме на уште еден прекин на огнот – уште едно примирје, како и да го наречете – без да знаеме што следува потоа“, рече Лавров, пренесува РИА Новости.
Според него, до конфликтот дошло бидејќи режимот во Киев категорично одбил да ги спроведе договорите за колективна безбедност, потпишани во 2014 година.
„Сето ова беше тактика на режимот во Киев. Тие немаа намера да преземат ништо, а нивните западни господари ја поттикнуваа нивната саботажа на договорите“, додаде тој.
Според него, Русија нема да прифати прекин на огнот, бидејќи Европејците се обидуваат да добијат време за Украинците – време што тие имаат намера да го искористат за некако да се опорават од воените загуби што ги претрпеа.
ИЗДВОЕНИ
Ќе се гради и со нерешени имотни односи, а проекти ќе заверуваат и инженери со само една година искуство
Граѓаните се борат со поскапувањето, а партиите со спротивставено толкување на инфлацијата
Камери и на граничниот премин Блаце, полицијата ќе снима и во движење
Обвинителот бара извинување од Ива Михаилова, која на поткаст кажа дека ѝ барал пари
