Туристите кои летуваат на првиот крак на Халкидики добија јасно предупредување од општина Касандра – незаконски оставените чадори, лежалки и друга опрема на плажите ќе бидат отстранети и ќе се третираат како отпад.
Општината објави известување на англиски, грчки и македонски јазик, со кое ги повикува граѓаните и посетителите во рок од 24 часа да ги отстранат предметите поставени на јавните плажи без законско право.
„Целта е слободни и достапни плажи за сите“, наведуваат од општината, повикувајќи се на Законот 5092/2024 за заштита на јавниот карактер на крајбрежјето и плажите.
Доколку предметите не бидат отстранети во предвидениот рок, локалните власти ќе ги соберат без дополнително известување. Отстранетата опрема ќе се смета за напуштена на јавен простор, ќе биде третирана како отпад и нема да им биде вратена на сопствениците.
Од општина Касандра потсетуваат дека и минатото лето спроведоа повеќе акции за расчистување на нелегално поставени чадори, лежалки и столици, со цел да се обезбеди слободен пристап до плажите за сите посетители и да се заштити крајбрежјето.
ИЗДВОЕНИ
Новак Ѓоковиќ со голема поддршка за Лина, најави и доаѓање во Македонија
Инфективна потврди прв случај на Денга вирус во Македонија: Ја донел 42-годишен работник од Бангладеш
Европа се претвора во печка – зошто се загрева побрзо од било кој друг континент? Научниците предупредија: „Ова е само почеток“
Лебдам затоа што Македонија, конечно, го препозна своето богатство
