Голем пожар избувна во вторникот, околу 13:45 часот, на Големата плажа во Улцињ. Пожарникарите брзо пристигнаа на местото на настанот и се обидоа да го стават пожарот под контрола, но напорите за гаснење беа отежнати од силниот ветер што го ширеше огнот.
Според извештаите на црногорските медиуми, пожарот стигнал и до плажата „Кабо Бич“, каде што била уништена половина од плажниот инвентар, но ресторанот на таа локација бил спасен.
Екипи од Бар и Будва пристигнаа за да им помогнат на пожарникарите од Улцињ.
Уништени се чадори за сонце, лежалки и натстрешници на плажата, пренесува Б92.
Пожарникари од Будва се распоредени за да ја штитат плажата „Хавана Бич“, додека екипи од Бар ја обезбедуваат плажата „Корал Бич“.
ИЗДВОЕНИ
Поранешен припадник на ОВК Фадиљ Пушколи вчера бил приведен на „Блаце“, по испрашувањето бил ослободен
Уставниот суд решава за државното финансирање на изборните кампањи
РАДИКА И ЛЕПЕНЕЦ ГО ВКЛУЧИЈА АЛАРМОТ: Ќе ја исчистат ли драконските казни Македонија?
Мицкоски од Њујорк: Направивме премногу отстапки, нашата фрустрација е огромна
