Пожарот што беснее во западна Атика, стигна до селото Агиа Скепи, објавија грчките медиуми, забележувајќи дека седум авиони и 450 пожарникари се распоредени за борба против пожарот. Огнената стихија беснее веќе неколку дена, а пламените јазици поминаа низ селото Агиа Скепи додека пожарот се приближува кон Псата со силен мирис на чад низ целата област, објавува порталот „Прототема“.
Портокалово предупредување за пожар е во сила во регионите Атика, Беотија и Евија. Според грчките медиуми, досега во пожарите во Беотија и Атика се изгорени повеќе од 111.000 хектари.
Грчката полиција спроведе прелиминарна истрага за околностите и причините за судирот на два изнајмени хеликоптери BEL, што се случи во недела, 2 август 2026 година, за време на операција за гаснење шумски пожари во областа Псата во Атика.
Според грчките медиуми, во судирот на хеликоптерите загинале две лица, дански пилот и грчки координатор, а повредени се екипажот на другиот хеликоптер, британски пилот и неговиот грчки координатор. По наредба на надлежниот обвинител, во тек се сите планирани прелиминарни истражни дејствија за собирање податоци и проверка на точните околности под кои се случил инцидентот.
ИЗДВОЕНИ
Критично е во Европа: Сушата ги празни реките, транспортот и енергетиката под силен притисок
Сиљановска Давкова: Државата јакнее преку националното помирување, да ги надминеме поделбите и да зборуваме во еден глас за прашањата од национален интерес
Мицкоски: Сме победувале секогаш кога сме биле обединети околу голема цел, има работи кои се поголеми од секоја партија, функција, сечиј мандат
МАКЕДОНСКИТЕ РЕВОЛУЦИОНЕРИ, НА ПАТОТ ДО ИЛИНДЕНСКОТО ВОСТАНИЕ, НЕ ВОЈУВАЛЕ САМО СО ОРУЖЈЕ: И со тајните шифри на ВМРО и на Гоце Делчев се испишуваше патот кон слободна татковина
