Со низа активности кои ќе се одвиваат од петок до недела ( 6 – 8 ноември ), Oпштина Неготино ќе го одбележи најголемиот празник, 8 Ноември – Денот на ослободувањето на Неготино.
Настаните започнуваат в петок, со доделување ваучери за новороденчиња, следува турнир во гол-бал и турнир во табла, а ќе се одржат и традиционалните улични трки за учениците од основните и средното училиште.
В сабота ќе започне Градското првенство во брзопотезен шах, во Музејот на градот ќе има изложба на ликовни уметници од општината, а во вечерните часови, центарот на Неготино ќе го осветлат вечерните факели.
Централните настани ќе се одржат в недела на 8 Ноември, со прием во кабинетот на градоначалникот на Општина Неготино и положување цвеќе на спомен бистите на паднатите борци во НОБ, по што следува одржувањето на свечената седница на Советот на општина Неготино во Центарот за култура во 11:00 часот.
Во рамките на празничната програма ќе се одржи и манифестацијата „Неготинско младо вино“ во Старата градска чаршија со штандови на кои ќе бидат изложени и ќе можат да се дегустираат производи карактеристични за нашата општина, а ќе има и богата забавно музичка програма.
Од Општината ги покануваат сите граѓани да присуствуваат на настаните од тридневната програма и да бидат дел од одбележувањето на празникот на Општина Неготино.
ИЗДВОЕНИ
Еден работник работи за двајца – во македонската индустрија не цветаат рози
Вакцините стигнаа, Миланов си замина
Странски експерти ќе го ревидираат случајот со Ива Михаилова, министерот ќе формира комисија
Од утре ќе се врши исплата на средства за граѓаните без платежни картички во главната филијала во Битола на АЛТА банка АД Битола
