Околу 90 брода, вклучувајќи и танкери за нафта, поминале низ Ормускиот Теснец од почетокот на војната на САД и Израел со Иран, кога беше ефикасно затворен преминот, проценуваат поморските и трговските платформи. Многу од бродовите што поминале низ теснецот се означени како дел од „темни транзити“ и „флоти во сенка“, бидејќи се обидуваат да избегнат санкции и надзор од западните влади и, веројатно, имаат врски со Иран, според фирмата за поморски податоци „Лојдс лист интелиџенс“.
И покрај затворањето на теснецот, Иран успеа да извезе повеќе од 16 милиони барели нафта од почетокот на март, процени платформата за трговски податоци и аналитика „Кплер“. Поради западните санкции и поврзаните ризици, Кина беше најголем купувач на иранска нафта, според компанијата.
Пред почетокот на војната, од 100 до 135 брода минувале низ теснецот секој ден, а се верува дека во сегашните услови, околу една петтина од бродовите се поврзани со Иран, додека некои се поврзани со Кина и со Грција.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
