„Њујорк тајмс“ тврди: Израел ги интензивира нападите врз Иран само од една причина

И покрај растечките изгледи за разговори меѓу САД и Иран, израелската војска напаѓа сè повеќе клучни цели поради загриженоста дека војната наскоро би можела да биде запрена, изјавија двајца високи израелски функционери и две лица запознаени со ситуацијата.

Израелскиот премиер Бенјамин Нетанјаху во вторник нареди да се вложат сите напори во следните 48 часа за да се уништи што е можно повеќе од иранската воена индустрија, објави Њујорк Тајмс, повикувајќи се на анонимни израелски извори.

Наредбата дојде откако владата на Нетанјаху доби копија од американскиот нацрт-план од 15 точки за завршување на војната, а брзањето ги одразува загриженостите во израелската влада дека претседателот Трамп би можел да објави мировни преговори во секој момент, велат изворите.

Администрацијата на Трамп ниту официјално потврдила ниту негирала постоење на планот, ниту дали е споделен со Иран, но Израел е длабоко загрижен за можноста за договор во време кога сè уште не ги постигнал своите клучни воени цели, рекоа официјалните лица.

Меѓу нив се елиминирање на заканата од балистички ракети од Иран и нуклеарната закана од Иран, како и создавање услови под кои иранскиот народ би можел да се крене против својата влада, што во моментов изгледа како нереално очекување.

Одлуката за завршување на војната е во рацете на Трамп, а Нетанјаху има мало влијание врз таа одлука, изјавија изворите за Њујорк Тајмс.

Некои израелски експерти велат дека ниту еден исход, ниту завршувањето на војната ниту нејзиното продолжување, нема да донесе позитивни резултати за Израел.