Соединетите Американски Држави поставија рок од 48 часа за Иран да ги прифати американските услови за решавање на кризата на Блискиот Исток, со остра порака од претседателот Доналд Трамп дека во спротивно ќе следи силен одговор.
„Часовникот истекува – 48 часа пред да ги погоди вистински пекол. Фала му на Бога!“, рече Трамп во објава на социјалната мрежа Truth Social.
Американскиот претседател се осврна на претходно поставениот десетдневен ултиматум до Техеран за постигнување договор со Вашингтон или деблокирање на Ормутскиот теснец, еден од клучните светски патишта за транспорт на енергија. Иако најави преиспитување на условите, не прецизираше какви конкретни мерки би можеле да преземат САД во случај Иран да ги отфрли барањата.












