петок, ноември 20, 2026
Дома МАГАЗИН Нов лек во форма на таблета покажува ветувачки резултати во третманот на...

Нов лек во форма на таблета покажува ветувачки резултати во третманот на рак на панкреасот: кај третирани пациенти туморите исчезнале

0
Фото:By Singh, Pankaj K; Tayao, Michael; Andrici, Juliana; Farzin, Mahtab; Clarkson, Adele; Sioson, Loretta; Watson, Nicole; Chua, Terence C; Sztynda, Tamara; Samra, Jaswinder S; Gill, Anthony J - (2016). "Loss of BAP1 Expression Is Very Rare in Pancreatic Ductal Adenocarcinoma". PLOS ONE 11 (3): e0150338. DOI:10.1371/journal.pone.0150338. ISSN 1932-6203.Creative Commons Attribution 4.0 International (CC BY 4.0) license, CC BY 4.0,

Нов лек во форма на таблета, наречен „дараксонрасиб“ (daraxonrasib) – кој се тестира во комбинација со хемотерапија – покажа охрабрувачки резултати во третманот на напреднат рак на панкреасот.

Експертите го опишуваат ова како најзначаен напредок во лекувањето на оваа болест во последните неколку децении.

Во клиничкото испитување во рана фаза учествуваа 61 пациент со рак на панкреасот, кој веќе се проширил на други органи.
Кај околу 90 отсто од овие пациенти, растот на туморот запрел, додека кај повеќе од 60 отсто, туморот се намалил или целосно исчезнал. Кај приближно осум отсто од пациентите, туморот повеќе не бил видлив на КТ-снимките.

Една година по започнувањето на терапијата, 76,6 отсто од учесниците сè уште биле живи, додека вообичаената стапка на преживување од една година кај пациенти кои примаат само хемотерапија изнесува меѓу 40 и 45 отсто.

Истражувањето беше претставено од онкологот Вунгки Парк од Центарот за рак „Меморијал Слоан Кетеринг“ (Memorial Sloan Kettering Cancer Center) во Њујорк, на стручна конференција во Барселона.

„Дараксонрасиб“ спаѓа во класа на лекови кои ги блокираат мутациите во генот KRAS, кои играат клучна улога во растот на туморите. Истражувачите сметаат дека овој пристап би можел да биде значаен и за лекување на други видови рак. Сепак, експертите предупредуваат дека лекот сè уште не претставува конечен лек (излекување) и дека се потребни подолги и пообемни клинички испитувања за да се утврди колку долго тој може да ја контролира болеста и дали може да доведе до трајна ремисија, пренесе „Бета“.

ИЗДВОЕНИ