Никогаш не било толку жешко: Овој август стана најжешкиот месец досега забележан

Август 2026 година беше најтоплиот месец во светот во историјата на мерењата, соопшти денеска Европската климатска опсерваторија Коперникус.

Глобалната просечна температура на воздухот во август беше за 1,65 степени Целзиусови над прединдустриската референтна вредност, а со продолжените и рани топлотни бранови, западна Европа го собори летниот температурен рекорд кој беше поставен во 2003 година, пренесува Јуроњуз.

Минатиот месец, просечната глобална температура на воздухот достигна 16,96 степени Целзиусови, што е за 1,65 степени повеќе отколку во прединдустрискиот референтен период од 1850 до 1900 година.

Август беше првиот месец од ноември 2025 година што ја надмина границата од 1,5 степени Целзиусови поставена со Парискиот договор за климатски промени.

Океаните надвор од половите исто така минатиот месец го соборија рекордот за просечна температура поради глобалното затоплување, при што просечната температура достигна 21,07 степени Целзиусови, што е највисока никогаш забележана за август, соопшти Коперникус.

Претставничката на Европскиот центар за среднорочни временски прогнози (ECMWF), Саманта Берџес, изјави дека „август 2026 година беше најтоплиот август и најтоплиот месец некогаш забележан“.