Франција денеска го обвини Иран дека стои зад кибер-нападите кои предизвикале пораст на температурата во фрижидерите и замрзнувачите во супермаркетите.
Францускиот министер за надворешни работи, Жан-Ноел Баро, на денешната прес-конференција изјави дека нападот бил извршен од иранската Исламска револуционерна гарда (ИРГГ), пренесува „Би-би-си“ (BBC).
Тој го опиша нападот како „без преседан, како по својот обем, така и по нивото на агресија“, додавајќи дека Франција ќе „воведе санкции на европско ниво против сите одговорни за овој напад“.
За време на кибер нападите минатиот месец, температурите се зголемиле во фрижидерите и замрзнувачите во стотици супермаркети низ Франција, што довело до расипување на свежата и замрзнатата храна – чија вредност се проценува на милиони евра.
Минатата недела, десетици супермаркети во седум други европски земји, исто така, беа цел на кубер напади насочени кон нивните системи за ладење и замрзнување. Сè уште не е познато дали овие инциденти се поврзани.
Денеска, обвинителката од Париз, Лор Бекуо, соопшти дека е отворена истрага против шефот на една офанзивна сајбер-единица поврзана со иранската Исламска револуционерна гарда (ИРГГ), како и против двајца негови заменици.
Таа наведе дека единицата се нарекува „Шахид Каве“ (Shahid Kaveh) и е поврзана со центарот за електронски и кибер операции на ИРГГ. На 11 октомври, хакери презеле контрола врз софтверот што ја регулира температурата во системите за ладење во многу француски супермаркети, при што биле погодени повеќе од 280 продавници во рамките на неколку ланци на супермаркети.
ИЗДВОЕНИ
Златните прачки и монети се сигурна инвестиција за Македонците, грам чисто злато чини 125 долари
Реакција: ЗНАМ е државотворна партија и не ги менува ставовите според дневнополитичките интереси
Власта уверува дека Алта банка ќе биде спасена од стечај
Хибридно решение за правосудниот испит – теоријата може на албански, практиката само на македонски јазик!
