Јехуда Ахарон Видавски, познат како најстар преживеан од Холокаустот, почина во Израел на 107-годишна возраст, објавија во понеделникот израелските медиуми и Меморијалниот центар „Аушвиц-Биркенау“.
Видавски, роден во Полска во 1919 година, починал во неделата, според информациите од Меморијалниот центар „Аушвиц-Биркенау“ и неколку израелски медиуми.
Израелскиот претседател Исак Херцог изрази сочувство до „прекрасното семејство“ на Видавски. Видавски го преживеа концентрациониот логор Аушвиц, меѓу другите искушенија низ кои поминал. Голем дел од неговото семејство беше убиено за време на нацистичкото владеење. Тој емигрираше во Израел во 1950 година.
Од 1978 година па натаму, тој учествуваше во обновувањето на еврејските гробови во Полска. Исто така, помогна во идентификувањето и обележувањето на повеќе од три илјади гробови, соопшти Меморијалниот центар „Аушвиц-Биркенау“. Израелскиот претседател на платформата „Икс“ (X) изјави дека животот на Видавски бил „извонредно сведоштво за победата на животот, сеќавањето и обновувањето“.
Нацистите убија приближно шест милиони Евреи за време на Холокаустот во Европа. Релевантна државна агенција во април објави дека во Израел сè уште живеат околу 109.000 преживеани од Холокаустот, пренесе „Хина“.
ИЗДВОЕНИ
КОЛУМНА ЉУПЧО ЈАНЕВСКИ: Туристот доаѓа, преспива и си заминува – статистички имаме турист, но немаме економски ефект
Олеснување за возачите во Шенген, побрз поврат на ДДВ и намалување на патните давачки
Лозарите го продаваат грозјето на социјалните мрежи по 8 денари за килограм и му велат „збогум“ на лозарството
„ЌЕ МЕ КОЛЕЛ НА ПЛОШТАД“ – МИЦКОСКИ ДОБИВАЛ СМРТНИ ЗАКАНИ, КРИМИНОЛОЗИТЕ ПРЕДУПРЕДУВААТ: НЕ СЕКОЈА ЗАКАНА Е ПРАЗЕН ЗБОР
