Министерството за внатрешни работи (МВР) денеска потврди дека лице пријавено за физичко и психичко насилство врз 21-годишна девојка побегнало низ отворен прозорец од просториите на СВР Битола, додека полициските службеници преземале дејствија за негово лишување од слобода.
Од МВР информираат дека по осомничениот интензивно се трага, а за утврдување на одговорноста и околностите под кои се случило бегството е известен Одделот за внатрешна контрола, криминалистички истраги и професионални стандарди.
Случајот во јавноста денеска претпладне го обелодени „Слободен печат“ преку сведоштвото на мајката на жртвата, Бети Ангеловска.
Според нејзината изјава и полициската пријава поднесена на 10 ноември, 21-годишната битолчанка подолг период трпела физичко и психичко насилство, а при последниот напад била удирана со тупаници, давена со голи раце и ѝ биле упатувани закани по живот.
По пријавата, осомничениот сам дошол во полициската станица во придружба на родител, но откако му било соопштено дека ќе биде задржан, успеал да избега низ прозорецот. Жртвата, поради страв за нејзината безбедност, е згрижена во шелтер-центар.
ИЗДВОЕНИ
Додека градоначалникот на Крива Паланка чека прогласување кризна состојба, приказната за македонскиот град окупиран од 1.000 крави стана и вест за „Еуроњуз“/видео
Мицкоски: Од длабок минус дојдовме до точка нула – од сега очекувам само раст и поинтензивен развој
Димитриеска-Кочоска: Определбата да нема промена на даночните стапки наметна внимателно планирање на Буџетот за 2027 година – наш приоритет е јавните финансии да бидат стабилни
Македонија повторно поразена, но по 844 минути постигна гол!
